TKI Maori news

TeachNZ Career Changer Scholarships

2011-10-03T03:27:29+00:00

Mēnā kei te kōrero Māori koe, ā, kei te pīrangi koe ki te huri i tō umanga kia mahi hei kaiwhakaako, tēnā pea ko te karahipi TeachNZ Career Changer ko tāu e tatari ai. Ko ēnei karahipi mā ngā tangata kua whai wheako mahi i ngā tau kua hipa atu nei, kua mārama anō hoki ki te hira waiwai o te mātauranga, me ērā he matareka ki a rātou te mahi i te taha o ngā rangatahi.

Kua whakahoutia te Copyright Act

2011-09-12T23:59:40+00:00

I te rā tuatahi o Mahuru kua whai mana tētahi whakatikatikanga o te Copyright Act (1994). E kiia nei ko te Copyright (infringing file sharing) Amendment Act. Ka taea e koe te pānui te ture katoa ki konei.

Ka whakarato te Ture i te huarahi hou ki ngā kaipupuri motika mō te whai mahi ūruhi ki ngā tāngata e takahi ana i ō rātou manatā mā te tiritiri kōnae. Ka whai wāhi ki ēnei ngā rauemi e tukuna atu ana, e tīkina ake ana rānei, e whakamarua ana e te manatā, ina koa mā ngā hangarau tiritiri kōnae pērā i ngā whatunga hoa-ki-te-hoa (P2P).

Ngā tohutohu me ngā ārahitanga mā ngā kura

Ka utua a Netsafe Incorporated e te Tāhuhu o te Mātauranga ki te whakarato i ngā tohutohu me te ārahitanga koreutu, motuhake hoki ki ngā kura i Aotearoa e pā ana ngā take haumaru ā-ipurangi. Ka mahi tika atu a Netsafe i te taha o ngā kura kei a rātou ngā māharahara me ngā pātai e pā ana ki te Copyright (Infringing File Sharing) Act, me te whakarato pārongo i runga i te paetukutuku NetSafe.

Ka taea te whakapa tika atu ki a Netsafe ki: 0508NETSAFE (0508 638 723) me queries@netsafe.org.nz

Mā te Pouako: Te Wharekura 89

2011-08-30T04:21:19+00:00

Koinei te putanga tuihono o ngā aratohu mā te pouako e tautoko ana i te pukapuka Te Wharekura 89. He raupapa a Te Wharekura o ngā kohinga kōrero nō neherā, nō ēnei rangi tonu e hāngai ana ki ngā ākonga i ngā tau 11–13. Ko te arotahinga o tēnei putanga ko Te Ope Taua Māori i te Pakanga Tuarua o te Ao. E hāngai ana ngā ngohe katoa ki Te Marautanga o Aotearoa.

Mā te Pouako: Te Tautoko 68

2011-08-30T04:18:24+00:00

Koinei te putanga tuihono o ngā aratohu mā te pouako e tautoko ana i te pukapuka Te Tautoko 68. He raupapa a Te Tautoko o ngā kohinga kōrero nō neherā, nō ēnei rangi tonu e hāngai ana ki ngā ākonga i ngā tau 7–8. E hāngai ana ngā ngohe katoa ki Te Marautanga o Aotearoa. Ko te arotahinga o tēnei putanga ko te Te Ope Taua 28

Mā te Pouako: He Kohikohinga 55

2011-08-30T04:15:40+00:00

Koinei te putanga tuihono o ngā aratohu mā te pouako e tautoko ana i te pukapuka He Kohikohinga 55. He raupapa a He Kohikohinga o ngā titonga tūturu i te reo Māori mā ngā ākonga tau 4–6. E hāngai ana ngā ngohe katoa ki Te Marautanga o Aotearoa. Ko te arotahinga o tēnei putanga ko te hauora.

Ruggerland: Ngā rauemi Ipu Whutupāoro o te Ao

2011-08-11T22:03:41+00:00

Tīkina ake he pepa ngohe e hāngai ana ki ngā taumata 1–4 o Te Aho Arataki Marau mō te Ako i Te Reo Māori – Kura Auraki hei torotoro mā ngā ākonga i te reo Māori mā te whakamahi i te horopaki o te Ipu Whutupāoro o te Ao 2011. Pāwhiria ngā rauemi kaiako, kātahi ka pāwhiri ki te whakairo e kīia nei ko Ngā Rauemi o te Whutupaoro o te Ao, ā, kei reira ko Te Reo hei taitara marau.

Whākina mai ōu whakaaro mō te TKI hou

2011-07-22T02:49:22+00:00

Kua tino whakarerekētia Te Kete Ipurangi (TKI) i ngā rā tata nei, ā, e hiahia ana te Tāhuhu kia mōhio ki ō koutou whakaaro mō ēnei panoni, hei āwhina i a mātou ki te whakapai ake i a TKI mā koutou. Kua tohua te Independent Quality Assurance New Zealand e te Tāhuhu hei whakahaere i tēnei rangahau motuhake, matangaro hoki. Ka tari atu mātou ki āu urupare.
Tērā pea e rima mineti noa iho te roanga o tēnei rangahau, ā, ka kitea i: Survey Monkey.

Mā te Pouako: Tūhuratia te Ao Hangarau

2011-07-22T02:42:54+00:00

Kei te wātea ināianei he rauemi tautoko kaiako i te reo Māori me te reo Ingarihi mō Tūhuratia te Ao Hangarau – he kete rauemi e tautoko ana i te marautanga hangarau i ngā kura tuarua. E whakaatu ana i te pānga i waenganui i ngā hapori mahi hangarau Māori me Te Marautanga o Aotearoa. E whakaatu hoki ana i ētahi tauira o ngā mahi mohoa, mahi wero hinengaro, mahi whakaongaonga hoki.
E rima ngā pukapuka ākonga o te rauemi nei, ā, he kōpae ataata tō ia pukapuka. Kei te tautoko te kōpae ataata i ngā tuhinga pārongo me te hoatu tauira ataata ki ngā ākonga o ngā mahi hangarau Māori tūturu i roto o ngā hapori tūturu. Tirohia ngā rauemi tautoko mō He Wahakura; Te Tā Moko; Te Mīere Mānuka; Te Tiaki Manu; me Ngā Mahi Pāpāho Māori.

Te Wiki o te Reo Māori

2011-06-30T02:53:10+00:00

Pāwhiria ngā hononga e whai ake nei mō ngā pārongo, ngā aria, me ngā rauemi hei tautoko i te whakanuitanga a Te Wiki o te Reo Māori, ka tū hei te 4–10 o Hūrae 2010. Ko 'Manaakitanga' te kaupapa mō tēnei tau.

He Reo Tupu, He Reo Ora

2011-06-15T02:02:10+00:00

Tirohia tēnei rauemi rongorau mīharo hei ako i te reo Māori. Ko tōna aronga matua ko ngā ākonga tau 1–6 kei ngā taumata 1–2 o Te Aho Arataki Marau mō te Ako i Te Reo Māori – Kura Auraki e ako ana. E ono ngā kōwae ako me ngā paki waituhi e kīia nei ko ngā hākoritanga reo Māori, me ētahi ataata e pā ana ki te whakamahi i te rauemi nei, me te kawa o te marae.