Mō Te Kete Ipurangi
He aha Te Kete Ipurangi?
Ko Te Kete Ipurangi – te kete mātauranga tuihono – te tāwaha mātauranga reorua o Aotearoa. He kōkiri a Te Tāhuhu o te Mātauranga tēnei e whakarato ana ki ngā ākonga me ngā kura o Aotearoa i te matahuhuatanga o ngā pārongo, ngā rauemi, me ngā rawa marautanga hei whakarei i ngā akoranga me ngā whakaakoranga, hei hiki i ngā paetae ākonga, me te whakatairanga whakawhanaketanga ngaio mā ngā kaiwhakaako me ngā kaiwhakahaere kura.
Te Pūtakenga Mai o Te Kete Ipurangi
I te tau 1998 i tīmata ai Te Kete Ipurangi nā te whakahiatonga o te rautaki tuatahi o te ICT (Hangarau Mōhiohio Rorohiko) mā ngā Kura. Ko TKI te paetukutuku whānui tuatahi o te rāngai tūmatanui kia whakawhanakehia hei mea koreutu i raro i te kaupapa o ngā paerewa tuwhera hei whakarato i te whakatere reorua, me te taputapu rapu, whakahura raraungameta ka whai i ngā paerewa kua whakaritea.Mai i taua wā kua puāwai a TKI hei wāhanga nui o ngā mahi whakaako, ako hoki, ā, i tēnei wā e tautoko ana i te 60 neke atu o ngā hapori me ngā kohinga tuihono.
He aha ngā kōrero hou i TKI?
You need javascript enabled to view this content.I Hereturikōkā 2010 i āta whakahoutia a TKI nā te whakatuwheratanga o ngā āhuatanga whakawhaiaro whārangi kāinga, he rapunga hou, he whārangi hapori hou, me te tāpiri o te pae TKI e whakatakoto ana i ēnei āhuatanga i runga ake i ia whārangi.
I Paengawhāwhā 2011 i whakarahia ake anō ēnei āhuatanga mā te whakarite kia āhei atu te hunga kaiwhakamahi te hanga i ā rātou ake kete, te tiaki me te tiritiri i ngā whārangi kāinga tātūke, me te whakamahine i ngā hua rapunga mā ngā whakaritenga hāngai ki te kaiako, i waenga i ētahi atu tāpiringa paetukutuku.
Ko te whainga ko te whakamāmā ka pēhea ngā kaipānui e kite ai me te tiritiri i ngā rauemi TKI, me te hanga hononga i waenga i ngā kohinga rerekē o ngā rawa e wātea ana i ngā hapori TKI whānui me ngā kohinga.
Mā te whakarato i te rapunga me te whakahuranga pai ake ki ngā kaiwhakamahi, me ngā ara hei whakawhaiaro i tā rātou āhei atu ki te pae, e whai ana mātou ki te whakarato i te ratonga e ahu mai ana i ngā mahi o mua, e urupare ana hoki ki ngā tūmanako o te kaiako ngaio o te rautau 21. Tukuna mai ōu urupare ki a mātou i a mātou e mahi tonu ana ki te whakamahine me te whakahou i te pae.